k سبب الهرش بفتحة الشرج عند الأطفال - ماهي الديدان الدبوسية - الديدان الدبوسية - شكل الديدان الدبوسية - الوقاية والعلاج من الديدان الدبوسية -->

سبب الهرش بفتحة الشرج عند الأطفال - ماهي الديدان الدبوسية - الديدان الدبوسية - شكل الديدان الدبوسية - الوقاية والعلاج من الديدان الدبوسية

سبب الهرش بفتحة الشرج عند الأطفال - ماهي الديدان الدبوسية - الديدان الدبوسية - شكل الديدان الدبوسية - الوقاية والعلاج من الديدان الدبوسية

    الديدان الدبوسية .... السلام عليكم ورحمة وبركاته اليوم سيدتي الجميلة سوف نقدم لكي مقال مهم جداً لكل ام حتي تاخذ حذرها اذا شافت طفلها يفعل  هذه الاشياء باستمرار عشان كدة هنعرفك كل شيئ وكيفة التعامل فى مثل هذه الظروف من خلال هذا الموضوع...

    اذا لاحظتي ان ابنك دايماً بيهرش بفتحة الشرج بيقولك ياماما فيه نمله او فيه حاجة بتقرصنى ورا فيه شوكة فيه حاجة بتاكلني او دايما حاطط ايده ورا وخاصتاً فى الليل..... يقي لازم تعرفي السبب .. ⏬

    الهرش بالشرج او المهبل عند الاطفال 

    الهرش بالشرج عند الاطفال ليه كذا سبب ومحتاج فحص كويس عشان نعرف سببه لانه ممكن يكون السبب
    • ممكن يكون التهابات جلدية حوالين فتحة الشرج.
    • عدم وجود نظافة شخصية ووجود بقايا براز.
    • ملابس ضيقة وعرق خاصةً في الصيف.
    • او السبب الأشهر "ديدان دبوسية".

    ماهي الديدان الدبوسية 

    الدوده الدبوسية دي رخمة ومعديه جدا وبنشوفها كده عيني عينك في البراز ،هي دودة بتعيش فى الجهاز الهضمى للطفل،الدودة دي عايشة جوة الأمعاء عمالة تاكل وتقرقض في البطانة بس احنا مش حاسين....

    عشان البطانة مفيهاش مستقبلات حس زي اللي الموجودة فى الجلد،الدودة دي تيجي بالليل بقي والناس نايمة والطفل في سابع نومة تروح متسحبة وطالعة بره وأول متوصل الجلد اللي عند فتحة الشرج اللي فيه مستقبلات حس او عصب الطفل يروح متألم فجأة "آآه نملة ياماما ، شوكة ياماما ".

     الدودة دي لما تطلع بالليل لفتحة الشرج هتعمل ايه......هتروح رامية ليها شوية بيض علي فتحة الشرج عالملابس الداخلية وتفضل تسرح شويه ، ولو الطفل بنت تروح الدودة متسحبة ورايحة قدام "فتحة المهبل" ، وتروح داخلة امام فتحة المهبل وراميه ليها شوية بيض والبنت يعيني هاتك يا حك ومتنمش بالليل من الهرش قدام وورا.

    الديدان الدبوسية 

    البيض كده بقت موجوةعالملابس الداخلية وعلي فتحة الشرج وفتحة المهبل تمام الطفل ييجي يحك ويهرش ورا او قدام ، يروح البيض ده داخل تحت الضوافر "لانه بيض صغير جداً لا يري بالعين المجردة بنشوفه بالميكروسكوب" ، وبعد كده الطفل يروح حاطط ايده في بُقه وهو بياكل فيفضل يعمل لنفسه عدودة متكررة او يحطها لاخواته في الطبق وينقلها لكل افراد البيت...

    شكل الديدان الدبوسية


     الديدان الدبوسية  تشبه الى حد كبير دود الجبنة الحادقه،ممكن تسبب تبرز لا إرادى او تبول لا إرادي ، ظهور حكة متكررة وشديدة في منطقة الشرج ، فقدان الشهية غثيان، آلام البطن والإسهال ،اضطراب النوم بسبب الحكة والهرش ، ظهور ألم أو طفح أو تهيجات جلدية أخرى حول الشرج.

    الوقاية من الديدان الدبوسية 

    بصي يا ست الكل عشان نبقا متفقين وعلي نور فيه حاجات لازم تتعرف الوقاية وعلاج الديدان ده نظافة شخصية عشان هتقولوا عالجناها مليون مرة و الديدان مرحتش او خفت ورجعت تاني دة لازم حل جزري...
    •  ياعني ابنك ميكونش طول اليوم سارح ورا القطط والكلاب وتقوليلي الديدان مش بتخف ليه.
    • ميكونش ابنك طول اليوم عمال يلعب فالتراب والطينة برة فالشارع وتقوليلي الديدان مش بتخف ليه.
    • ميكونش ابنك عمال يلعب بالكلب اللي فوق السطح عندك وتقوليلي الديدان مش بتخف ليه.
    • ميكونش ابنك ضوافره طويله ومليانة وسخ وتقوليلي الديدان مش بتخف ليه.
    • متبقيش انتي وجوزك وولادك مقضينها اكل من برة وكشري وكبدة وفول وطعمية وتقوليلي الديدان مش بتخف ليه.
    • متبقيش انتي وولادك بتكلو الخُضار والفاكهة من غير غسيل وتقوليلي الديدان مش بتخف ليه.
    • مش معلّمة ولادك يغسلُواديهم قبل الاكل، وبعد الدخول للبيت من بره ، وبعد الحمام وتقوليلي الديدان مش يتروح ليه.
    • متكونوش بتاكله من طبق واحد طول الوقت وتقوليلي الديدان مش بتروح ليه.
    • متكونيش مهملة ومش مهتمة بنظافة الواد والبنت كل يوم صباحاً ومش بتقعيهم الاندرز يومياّ وتقوليلي الديدان مش بتروح ليه (لازم تغيير الملابس الداخلية صباحاًّ والتشطيف ورا وقُدّام كل يوم صباحاً).
    • متكونيش بتسيبي الملايات بتاعت السرير ومش بتغيريها كل يوم وتقوليلي الديدان مش بتروح ليه (لازم تغيريها علطول وتهوي الأوضه وتغسلي الملابس بميه سُخنة).
    • متكونيش عمّالة تُنشري الملابس عالمنشر فالبيت ومش بتنشريها فالشمس ومستنية الديدان تروح.
    • متكونيش بتغسلي اديكي قبل متعملي الأكل لولادك وتقوليلي الديدان مش بتروح.

    إرسال تعليق