 |
| طريقة عمل اللحمة |
طريقة عمل اللحمة الضاني
اليوم سوف نقدم لكم طريقة سهله جدا لعمل اللحمة الضاني او اي نوع لحمة خصوصاً ان احنا اليوم فى اول ايام عيد اللحمة عيد الاضحي المبارك اعادة الله عليكم باليمن والبركات ودايما زوار شير مصر يكون في خير وسعادةالكل اليوم يبحث عن طريقة جديد لعمل بيها لحمة العيد، طبعاً في طرق كتيرة جدا لعمل اللحمة،بس المهم انك تعرف الطريقة الصح عشان تعرف تعملها في البيت وطبعا بقي احسن حاجة فى الموضوع ان اللحمة الموجودة في كل بيت بالذات خلال هذه الايام المباركة لحمة فريش طازة مش مجمدة بقي والا بقالها ايام متعلقه على النصبة...
وده هيساعد ست البيت انها تقدر تعمل اي نوع من الانواع اللي هنقدمها ليكم من خلال هذا الموضوع ومش هننسا بردو نقدملكم طريقة عمل الفته وطبعا اللي المفروض كل سيت بيت بتعرف تعملها لكن بردو هنتكلم عنها للعلم بردو...
طريقة عمل اللحمة
اول حاجة هنتكلم عنها الطريقه التقليدية لعمل اللحمة وهي "اللحمة المسلوقة" ودي يعتبر الاشهر في مصر وطريقة تحضيرها سهله جداً كل ما عليكي انك هتجيبي اللحمة وتغسليها كويس وبعد تقطعيها قطع ويفضل قطع صغيرة عشان ماتخدش وقت في التسوية وبعد كدة هتقطعي بصلة....
وبعد كدة هتجيبي حلة كبيرة تحطي فيها البصل وحتة دهن وتشوحي فيها البصل وبعد كدةقبل ما البصل يبدا يحمر تحطة اللحمة المقطعة وتقلبيها كام تقليبة كدة وبعد كدة تحطي المية والبهارات والملح وتيبيها تغلي وكل ما الميه تنشف تزوديها لحد ما تستوي.
طريقة عمل اللحمة المشوحة
"اللحمة المشوحة" ودي يعتبر ثاني اشهر طريقة في مصر وطريقة تحضيرها سهله جداً بردو كل ما عليكي انك هتجيبي اللحمة وتغسليها كويس وبعد كدة تقطعيها قطع صغيرة وهتجيبي بقي ياست الكل "بصل - ثوم -فلفل اخضر خزر - بهارات - طماطم متقطعه حتت صغيرة"...
نيجي بقي لطريقة تحضير اللحمة المشوحة هتجيبي حلة كبيرة وتحطي فيها قطعه دهن وبعد كدة هتحطي البصل المتقطع وعليه الفلفل والجزر والثوم وبعد كدة تولع النار وتفضلي تقلبي فيهم لحد ما تسحي انهم قربو يستو تحطي اللحمة وتسيبها تتشوح معاهم وفى الاخر تحطي الطماطم وتسبيهم يتشوجة سوي لمدة نص ساعة والف هنا....
طريقة عمل اللحمة "ستيك اللحم" فى الفرن
كل ما عليكي انك هتجيببي اللحمة وتقطعيها شرائح ستيك اللحم وبعد كدة هتيجيي ملعقة كبيرة من الخردل نصف ملعقة صغيرة من الفلفل الأسود،نصف كوب من شربة اللحم ربع ملعقة صغيرة من الملح ملعقتان صغيرتان من الزبدة او الدهن..
نضيف مرق اللحم والخردل مع الزبدة السايحة على النار، ونقلب المكونات جيدا لمدة دقيقة حتى نحصل على صوص متماسك ثم نزيله عن النار وبعد كدة نحطة على قطع اللحم و ندخل قطع الستيك في الفرن مرة أخرى لمدة دقيقة وبعد كدة الف هنا...
طريقة عمل الفتة باللحمة
هتجيبي رز وبعد كدة تغسلية كويس وبعد كدة تحطية على النار مع شوية ماية بملح او شوربة لحمة يبقي افضل من الماية لحد ما يستوي وتجيبي عيش ناشف او متحمص فى الفرن وبعد تبلية بشوربة اللحمة وبعد تجيبي صينية وتحطي العيش فى الاسفل ومن عليه الرز وتجيبي صلصة اللحمة وتحطيها على الوش وممكن تحطي عليها اللحمة المشوحة او المسلوقة...