اغنية الاب
احمد الجوكر يطلق اغنية جديدة علي قناتة الرسمية علي منصة يوتيوب، الاغنية التي تتصدر التريند الان علي منصات التواصل الاجتماعي الاغنية التي تتخطبي حاجز المليون مشاهدة علي اليوتيوب فور اطلاقها.الاغنية التي ستحصل علي نجاح كبير وبالفعل سوف تحقق انجاز كبير وخير دليل علي ذلك ان الاغنية وصلت الي نصف مليون مشاهدة خلال 22 ساعة فقط، واغاني الجوكر المصري لها تعبير فني لائق يحكي فيها قصص من الممكن ان تشبة قصص احدهم وهناك من بين تلك الاغنيات تروي قصص حقيقية حدثت بالفعل.
اغنية الجوكر الجديد الاب، تحميل اغنية الاب غناء الجوكر، ومن خلال هذا المقال نقدم لكم كلمات اغنية الاب، وتحميل الاغنية بجودة عالية بصيغة MP3، الأغنية من كلمات الجوكر و موسيقي ومكس مصطفي نجيم وماستر Chris Gehringer.
كلمات اغنية الاب
لحظة ما اتولدت
وشالك بين إيديه
واتأملك بعينه
وقف العالم حواليه
أول صورة بريئة ليك شافها فيك
إيد الضلمة اللي في عالمنا لسه ما اتمدتش ليك
وبدأت تكبر وحبه ليك بيكبر
يوم عن يوم حاجة منه فيك بتظهر
انت عنده أولى منه لأنه
عازك تكون أحسن من كل الناس ومنه
وانتي من صغرك وشقاوة الدنيا فيكي
يبص بس لماما تقومي لافة وشه ليكي
وتيجي لو زهقانة عشان مفيش أطفال في سنك
تقولي العب معايا يقلب طفل أكتر منك
أول يوم حضانة مسكتي فيه، سابك بصعوبة
لأنه كان مرعوب أكتر ما كنتي انتي مرعوبة
لدرجة إنه كان هيرجع ياخدك لولا مامتك
معاكي بيحسبها بقلبه دايما مش بالمنطق
وأنت اتأثرت في إعدادية بكام واحد زميلك
فطلبت منه يسيبك عيب يوصلك ويجيبك
قدر حكم السن واداك الحرية
راقبك عشان يطمن إنك قد المسئولية
مكانش غاوي يقولك ذاكر كل شوية
كان عايزك ترتاح كل السنين الجاية
مع ذلك لما زعلت على كلية ما جبتهاش
حضنك وقالك يا ابني العالم ما انتهاش
كبرت واتغيرت وخدت منه ركن بعيد
بقى بينكم سور وكل يوم يزيد
لا عدت قادر تسمع منه ولا من باب الود
لا عاد هزاره بيضحك ولا حكاياته تشد
لكن دي مش مشكلته
ده سنه ودي تجربته
عشان يفضل مصاحبك
عمل كل اللي في مقدرته
وصلت إنه يركز أما شباب تهزر جنبه
عشان يفتح معاك كلام بشكل تبقى حابه
مع أول عريس حس بقبولك ليه اتخض لسه فاكر إن اليوم ده لسه بعيد
حس البيت هيفضى، لا الحياة هتفضى
لسه شايفك طفلة، كان عايزاها تفضل
غار فاتحجج واتشرط واتلكك
وفك لما اتأكد انك حبتيه وحبك
عايز مصلحتك حتى لو مش ده المتشاف
محدش خاغ عليكي قد ما هو خاف
فاضل على يوم جوازك شهر أو أقل
لسه نص جهازك والقرض آخر حل كمل بيه اللي ناقص
مفيش حاجة استكترها
قالك نطمن عليكي بس وهندبرها
والدنيا خدتك
بعد الجواز كترت مشاكلك
كل فين وفين بتفضي تزوري أهلك
وهو بدل ما يقولك ليه ما بتسأليش
يقولك لو احتاجتي حاجة قولي ما تتكسفيش
وانت الظروف اضطرتك تسافر
مكانتش ماشية معاك هناك لكن بتعافر
مامتك توفت وهو بطوله صبر
ولما رجعت بعد سنين لاقيته كبر
كبر بجد.. بينسى ومحتاج لحد
يفكره بعلاج السكر والشريان اللي اتسد
لاقاك حزين عليه، ندمان إنك سبته
ضحك وقالك شُفت أبوك احلو إزاي في شيبته