تتر مسلسل بيت الرفاعي خاف من اللي منك
محمد شاهين الذي ابدع في تتر مسلسل بيت الرفاعي، نقدمها لكم من خلال موضعنا كلمات الاغنية كاملة، وتصدرت الاغنية منصات التواصل في الايام القليلة الماضية، مما جعلها التريند الاولي علي منصة يوتيوب، اغنية بيت الرفاعي بطولة امير كراره..
مسلسل بيت الرفاعى يعرض ضمن مسلسلات رمضان 2024 على قناة ON الساعة 9 مساء والاعادة الساعة 1.30 صباحاً والساعة 9.45 صباحاً، ويعرض على قناة ON دراما الساعة 12 منتصف الليل والإعادة الساعة 6 صباحاً والساعة 4.30 مساء، بالإضافة إلى عرض العمل على منصة watch it الساعة 7 مساء.
كلمات أغنية خاف م اللي منك
على ضهرك إتعكز
وبضلك إتدفى
لو حتى على وشك
هتقع وتتكفى
ما تفرحشي باللمه
والهيصه والزفه
بحر القلوب غدّار
ويهد ١٠٠ دفه
اللي النهارده معاك
بكره هايبقى عليك
ويشوف بعينه أذاك
يشمت ويفرح فيك
واللي بروحك تفديه
يفرّط عادي فيك
إتغدى بالأيام
قبل اما تتعشى بيك
خاف م اللي منك
حتى لو على اسمه متسمي
احنا في زمن ما بقاش
في حد على حد بيسمي
والكل عالدنيا اتسرع
وبطمعه متغمي
لا تقولي اخويا ولا ابن ابويا
ولا حتى من دمي
لما النفوس يملاها سوس
هتشوف عجب ياما
الحب يتحول لكره وعداوه هدامه
واقرب ما ليك حنيته
تقلب على غشامه
ويغرقك في بحور أذى
ويرميك في دوامه
وش القفص بيغُر
بس الباطن فسدان
ما تاخدش بالظاهر
ولا تدي حد أمان
في الناس بلاش تتخم
وتقول فلان غلبان
غير لما يوم تعاديه
ووشه الحقيقي يبان
هتشوف ساعتها حاجات
ترعب تخض بجد
وجحود ما بعده جحود
وقساوه مش على حد
في ناس لا فاكره جميل
ولا صاينه عشره وود
هاين عليها أذاك
ومُناها لو تتهد
خاف م اللي منك
حتى لو على اسمه متسمي
احنا في زمن ما بقاش
في حد على حد بيسمي
والكل عالدنيا اتسرع
وبطمعه متغمي
لا تقولي اخويا ولا ابن ابويا
ولا حتى من دمي
لما النفوس يملاها سوس
هتشوف عجب ياما
الحب يتحول لكره وعداوه هدامه
واقرب ما ليك حنيته
تقلب على غشامه
ويغرقك في بحور أذى
ويرميك في دوامه
