نصائح مهمه جدا للحصول على بشرة صحية (وروتين شخصى أنا ماشية عليه )
1.غسل الوجه مرتين فى اليوم.2. استخدام غسول مناسب لنوع البشرة ( جافة / دهنية / مختلطة ).
3. استخدام الكريم المرطب المناسب.
4. استخدام سيرم للبشرة ( فيتامين سي / أو هيالورونيك اسيد ).
5. استخدام واقى شمس ذو عامل حماية جيد ودى أهم خطوة.
6. تقشير الوجه مرتين ف الاسبوع.
7. الحصول على قسط كاف من النوم.
8. عدم لمس البثور لو البشرة دهنية.
9. ممارسة الرياضة وتجنب التوتر.
10. التقليل من استهلاك السكر.
11. تنظيم الوجبات واخذ المكملات الغذائيه (الفيتامينات مهمة جدا للبشرة ).
12. شرب الماء مهم جدا جدا.
اسباب تدمير البشرة
- حاجات لازم تاخدوا بالكم منها عشان متغلطوش زيى.
- لازم لو بشرتك فيها حبوب تعالجيها الاول واوعى اوعى تستخدمى اى كريمات مرطبة غير لما تعالجى بشرتك من الحبوب .
- لازم تكونى بتستخدمى كريم نهار وكريم ليل او كريم يغذى بشرتك بتستخدميه مرة الصبح ومرة بليل ويكون افضل لو يحتوى على فيتامين E او كولاجين مهمين جدا ف التفتيح.
- لازم تستخدمى تونر بعد ما تغسلى وشك بالغسول عشان تقفلى مسام بشرتك وبعدها تحطى الكريم المرطب بتاعك حسب نوع بشرتك.
- (لان ناس كتير بتستهتر بالتونر وبيفتكروا انه مالوش لازمة).
- ضرورى تكونى واخدة بالك من صلاحية الميكب اللى بتستخدميه وكمان نشترى من مكان موثوق فيه.
- يعنى يكون الميكب اوريجنال.
- اهم حاجة تكونى عارفة نوع بشرتك ايه وتجيبى على اساسها مش اى حاجة وخلاص يعنى مثال ( لو بشرتك جافة ماينفعش تستخدمى فاونديشن مط والعكس صحيح ).
- لازم تعملى سكراب يعنى تقشير البشرة مرتين فى الاسبوع وماسك لبشرتك بعده بس تجيبى نوع ماسك وسكراب نضيف حاجة اوريجنال يعنى عشان اللى بشرتهم حساسة مش تتاثر .
- لازم تحطى برايمر قبل الميكب مهممممم جدااااااااا بيرطب وينعم ويوحد ملمس البشرة وكل حاجة تتخيلوها فى البرايمر ده .
- لازم ناخد بالنا بنحط ايه على بشرتنا وبلاش تستخسرى فيها هاتى احسن حاجة لبشرتك سواء منتجات سكين كير او ميكب وياريت يبقي من مكان واثقة فيه لان صدقينى الميكب الكوبى اثره بيبان على البشرة على المدى البعيد مش من اول ما تحطيه ونرجع نصرف الفلوس عند الدكاترة.