اغنية رياح الحياة - حمزة نمرة
الفنان حمزة نمرة يطلق اغنيتة الجديدة المرتبقة من البوم رايق الاغنية التي شاركها اليوم مع جمهورة علي قناتة الرسمية علي منصة يوتيوب ويبحث الان الكثير من جمهور حمزة من خلال محركات البحث لتحميل اغنية رياح الحياة الاغنية الرابعة من البوم رايق لحمزة نمرة
والي الان البوم حمزة نمرة الجديد مكسر الدنيا وعامل ضجة كبيرة علي موقع التواصل الاجتماعي ونال اعجاب الكثير من جمهور حمزة نمرة وحققت اغنية رايق الاغنية الرسمية للالبوم 4 مليون مشاهدة حتي الان اما عن اغنية اسكندرية واغنية غروب فهم الان في طريقهم الي المليون...
كلمات اغنية رياح الحياة حمزة نمرة
تهبي يا رياح الحياة دايماً بما لا أشتهيه
واللي السنين مقدماه غير اللي قلت نفسي فيه
يلاقي قلبي فين دواه
واللي أذاه أقرب ما ليه
ده جرح بيعلّم
وصعب تسكن الألام
واخرج من اللي فات سليم
وصعب لمّا اروح انام
ما افضلش اراجع القديم
طلع مُكلّف العلام
وخدت درس في الصميم
ولسه بتعلّم
ركز يا قلبي في اللي جاي
وألف شكر للي باع
ما صانش حتى بوء شاي
سلام يا ٣٠٠ وداع
واللي لقانا ما يساعوش
فخانة الوداع تساع
مشاعرنا مش لعبة
ما تتشغلش باللي فات
خليك يا قلبي في المفيد
كبر لأي ذكريات
ركز وبس في الجديد
لازم تقسّم الخانات
بمين قريب ومين بعيد
الحسبة مش صعبة
فرحت م الساعات ساعات
ودقت م الحاجات حاجات
وعشت م السنين سنين
ونابني م اللي فات فتات
وم الحبيب جواب حزين
وأسئلة بلا إجابات
حيرة ورا حيرة
حتى السعادة يوم ويوم
حتى المحبة خد وهات
وكله كوم وكومي كوم
زمن بيرمي إفيهات
وزي عادتي اصوم اصوم
واسد جوعي ذكريات
وافضها سيرة
آخرتها يا زمن عنيد
كله سبق وانا الوحيد
اللي مشيت ورا سراب
واللي بدأت من جديد
الكل شاف اللي وراه
حاسبت انا ع المشاريب
لوحدي كالعادة
مش باقي غيري في المكان
مش باقي حاجة من اللي كان
مش باقي غير وجع زمان
وهمس ذكرى في الودان
طاوعت حظى لما قال
أصبر لكل شيء أدان
يا حظ ما تأدن
مش باقي غيري في المكان
مش باقي حاجة من اللي كان
مش باقي غير وجع زمان
وهمس ذكرى في الودان
طاوعت حظى لما قال
أصبر لكل شيء أدان
يا حظ ما تأدن